Unilibrary. Oliy ta'lim muassasalarining yagona elektron kutubxona axborot tizimi.

Ота

Одатда бирор китобга аннотация ёзар эканмиз, ёзувчининг махоратию асарнинг тарбиявий ахамияти ҳақида тўхталамиз. Бу гал ёндашувни ўзгартириб, савол билан бошлаймиз. Хуш, ўқувчи нега қимматли вақтини сарфлаб, ушбу китобни мутолаа қилиши керак? Бизнингча...Биринчи сабаб-ёзувчининг машхурлиги, муаллифнинг бундан аввалги китоблари нафақат ўқувчилар, балки адабий танқидчилар томонидан хам жуда илиқ кутиб олинган. Тили, услуби, замон ва макон тушунчалари ўқувчини, сўз-сиз, «асир олади».

Рейчел

Муҳаббат бўлиб кўринган туйғу доим ҳам инжа ҳислардан иборат эмас. Бу гапнинг қанчалар ҳақиқат эканлига мазкур асар мутолаасидан кейин яна бир бор амин бўлимиз.

Скафандр ва капалак

Инсон жасорати ва матонатининг маҳсули бўлмиш «Ска­фандр ва капалак» аввало, чўнг бир изтироб, сўнгра худди шун­дай умидга йўғрилгани билан эътиборни тортади. Француз дра­матурги Жан-Доминик Бобининг ушбу асарини вараклаб, илк сатрларига кўз югуртирарканмиз, айни кучга тўлган, хаёт ва ижодда муваффақият қозониб келаётган 44 ёшли драматургнинг кутилмаганда инсультга чалиниб, тўшакка михланиб қолиши, аммо такдирнинг аянчли синови олдида таслим бўлмай соғлом мия ва ягона кўз ёрдамида хаёт учун курашишга бел боғлагани, нигохлари билан логопед кўмагида дунё билан мулоқотга киришиши вужудимизни титратади.

Қорақуш юлдузининг сири : Роман

«Беш ташаббус - беш китоб» лойих,асининг навбатдаги китоби Исажон Султон асарларидан тартиб берилди. Тўпламга «Генетик», «Боқий дарбадар» романлари, «Робия Балхий қиссаси», ҳикоялар ва бир эссе жамланди. Бу китобга киритилган асарлар улуғ аждодларимиз, бой тарихий меросимиз ва юксак маънавиятимиз - бир сўз билан айтганда - ўзлигимиз ҳақидадир.

Сўнги тўфон

«Сўнгги тўфон» рамзий-мажозий маънони англатади. Романда Турсунга ухшаган ёвуз, мехрсиз кимсалар хар бир хонадон учун, жамият учун бамисоли тўфон дейилади. Инсонга чуқур эхтиром билан битилган «Сўнгги тўфон» романини ўқиган хар бир кишининг калбини инсоний туйғулар, ўйлар қамраб олади.

Тоғлар ҳам садо беради

Америкалик афғон адиби Холид Ҳусайний эътиборингизга ҳавола этилаётган асари орқали яна ўша мавзуга-уруш ҳаётини барбод қилиб юборган инсонлар тақдирига мурожаат қилади. Бу гал асарда яхлит қаҳрамон йўқ. Пари, Абдулла, Парвона, Наби, Маркос, Адел, Идрис, Ваҳдатилар-уларнинг ҳар бири ўз тақдири мисолида яшаётган жамияти, ўзини ўраб турган ижтимоий муҳит ҳақида ўқувчида маълум тасаввур уйғотади.

Биз Глендани шундай яхши кўрамиз: ҳикоялар

Жаҳонга машхур ёзувчи Хулио Кортасар ижоди XX аср адабиётида воқеа бўлган ноёб ходиса. У Маркес, Льоса, Фуэнтес, Роа Бастослардан олдинроқ Лотин Америкаси адабиётини европаликларга таништирган, таъбир жоиз булса, европаликлар учун Лотин Америкаси адабиётини кашф этиб берган ижодкордир.

Энайўл

Истеъдодли ёзувчи Баҳодир Қобулнинг ушбу китобига унинг кейинги йилларда ёзилган, миллий қадриятлар, ор-номус, фахр ва ғурур, Ватанга садоқат, онага муҳаббат сингари олижаноб туйғулари тараннум этилган асарлари киритилган. Адибнинг янги насрий гулдастаси адабиёт мухлисларини бефарқ қолдирмайди, деган умиддамиз.

Уруш тугаса, айтинг, қайтиб келаман

Қўчқор Норқобил асарлари халқчиллиги, самимийлиги билан ахамиятли. Ижодкорнинг яна бир ютуғи унинг уруш ҳикояларида яққол намоён бўлади. Урушни кўрмаган ижодкорнинг бу мавзуда тасвирлари қанчалик буёвдор булмасин, уруш курган ёзувчининг ёзгани оқ-қора рангларда тасвирланса-да, анчайин салмоқи, жонли чиқди. Уруш кўрганларга у ҳақда ёзиш осон эмас, тасвирлаш, хотирлаш азоб. Ва айни шу азоб таъсири укувчига-да ўтади. Китобхонни изтиробга солади. Мазкур китоб мутолаасида шу каби кечинмаларни бошдан ўтказамиз. Ёзувчи ижодидаги қисса ва хикоялардан таркиб топган тўплам мутолааси, сиз азиз китобхонларга манзур бўлишидан умидвормиз.

Dunyoning ishlari

XX asr o'zbek adabiyotida o‘z o'rni va uslubiga ega bo'lgan adib-O'zbekiston xalq yozuvchisi O'tkir Hoshimov, aytish mumkinki, XXI asr o'quvchisining ham sevimli adibi bo'lib qoladi. Jonli va hayotiy tasvirlar, sof o'zbekona yondashuv va xarakter, qahramonlar o'rtasidagi suhbatlar mutolaasi o'quvchini o‘z ta’siriga oladi.

Фарғона тонг отгунча: Биринчи китоб

Асарнинг дунёга келиши ва илк бор нашр этилиши узоқ тарихга эга. Шундай экан, асар х;ак;ида эмас, унинг қаҳрамонларига тўхталамиз. Мақсадимиз, ўқувчини қизиқтириш ва мутолаага сабаб бўлиш.Асар бош қаҳрамонлари Ғулом ва Ҳаёт. Мутолаа жараёнида бу номлар бежиз танланмаганига гувоқ бўласиз. Fyлом-ҳақиқатда ҳаётнинг қули, ҳаёт эса уни шу даражада синовлар ва жафолар исканжасига ташлайдики, мақсади аниқ, ниятлари улуғ йигитга на қамоқ, на хўрлаш ва на қийноқлар таъсир қилади. Ҳаёт учун курашади. Ўзининг ҳаёти, севгилиси учун курашади. Ҳеч бир сабаб уни ҳаётдан қайтара олмайди, аммо... Аммо ноҳақ урилган дарралар остида ҳаётидан маҳрум бўлади... Севгилиси ҳаёт эса онгсиз ва ўйловсиз бувисининг бетайин қарорлари, асрлар оша давом этиб келаётган бидъатлар қурбони бўла­ди. Нихояда эса Ғуломга муносиб ҳолда ўз ҳаётини ўзи ҳал қилади.

Думалоқ хат

Ушбу тўпламга жамланган асарларнинг муаллифлар. Уларнинг ижодлари дунёнинг деярли минтақаларида чоп этилган, турли тилларга қайта-қайта таржима қилинган. Бадиий адабиётдаги муҳим бир хусусияти шуки, адабий-бадиий асарлар қачон ва дунёнинг қайси бир минтақасида яратилмасин, умуминсонийиятга дахлдор муаммолар кўтарилади, барчасида тўғрилик, ростгўйлик, ҳалоллик каби фазилатлар улуғланади.

Довондаги туйғулар

Ҳар бир қалбнинг ўз навоси бор деганларидек, ушбу тўплам ҳам Сурхон воҳасида яшаб, ижод этаётган истеъдодли бир қаламкашнинг дил изҳоридир. Тўпламда жой олган шеърлар, новеллалар, сочмаларда Сиз бир инсоннинг қалбининг сирли тебранишлари, жилвалари билан ошно бўласиз.

Derazadagi nur

Ushbu to‘plamga muallifning maktab yoshidagi bolalar va o‘smirlar hayotini aks ettirgan hikoyalari kiritilgan. Bolalarning o‘yinqaroqlik orqasida ba’zan kulgili, ba’zan qiyin va achinarli vaziyatlarga tushib qolishlari yengil yumorga yo‘g‘rilgan holda tasvirlanadi.

Hayrat ul-abror

Buyuk shoir va mutafakkir Alisher Navoiy «Xamsa»sining birinchi dostoni «Hayrat ul-abror» («Yaxshilar hayrati») beshlik yaratish an’analari asosida yaratilgan falsafiy ruhdagi asar bo‘lib, unda muallifning hayot va insoniyat, davr va zamonlar, mashhur tarixiy saxslar, saltanatlar va vorislik, komil insonlarto‘g‘risidagi qarashlari o‘z ifodasini topgan.

Xamsa

Mazkur kitobda Alisher Navoiy «Xamsa»sidagi barcha dostonlarning mazmuni bayon qilingan. Ularda shoir tomonidan tasvirlangan turli voqea-hodisalar aks ettirilgan, faqat kirish qismlari, me’yoridan cho'zilib ketgan manzaralar, monologlar biroz qisqartirilgan. Navoiy dostonlarining ushbu nasriy talqini alloma shoirimizning turkiy she’riyat gultoji hisoblanmish «Xamsa» dostonlarini anglab olishingizga yordam beradi, deb oylaymiz.