Unilibrary. Oliy ta'lim muassasalarining yagona elektron kutubxona axborot tizimi.

Бургут тоғда улғаяди

Иқтидорли журналист ва ёзувчи Нуриддин Исмоиловнинг номи кўпчилик китобхонларга яхши таниш. у ўзининг бир қанча детектив асарлари орқали кўпчиликнинг ёдида қолишга улгурган. адибнинг ҳукмингизга ҳавола этилаётган китоби- Бургут тоғда улғаяди саргузашт-детектив романи долзарб мавзуга бағишланган бўлиб, асар давомида жиноятчиликка қарши курашлар, ҳаёт ташвишлари ва қувончлари, инсонларнинг жамиятдаги ўрни ҳақида сўз боради. Ёзувчининг бу асари саргузашт-детектив жанрини бойитишга хизмат қилади, деган умиддамиз.

Бой ота, камбағал ота

Ҳар ким ўз фарзандига билганича таълим-тарбия беради. Бу борада ҳамманинг ўз қараши бор. Аммо келажак кимнинг йўли тўғрироқ эканини, албатта, кўрсатади. Мазкур китобда бой ва камбағал тоифадаги оталарнинг фикр-мулоҳазаларини, бу хусусдаги тамойилларини келтирар эканмиз, сиз азизларда солиштириш имкони мавжуд бўлади. Хулосани ўзингиз чиқаринг.

Бой аёл

Менинг назаримда Ким замонавий аёлларнинг намунаси: қувноқ, яхши дўст, чиройли, ақлли ва бой. Пул ва сармоядорлик ҳақида гап кетса, ишонинг, у нима деяётганини яхши билади. Тўғри, у қачонлардир ҳеч нарсани билмасди, аммо у кўз олдимда шогирдликдан экспертга айланди. У бошқаларга ўргатаётганини ўзи ҳам амалда қилади. Мен бу китобга сўзбошини чуқур эҳтиром билан - энг яқин дўстим, иш юза- сидан ҳамкорим ва рафиқам учун ёздим.

Ўнта негр боласи

Ушбу асарда бир бирига ҳеч қандай алоқадор бўлмаган ўнта одам хилват оролдаги уйга келади. Сирли таклифнома билан уларни бу ерга ким чақирди. яхши детектив ихлосмандларининг юраги дарров шув этиб кетадиган манзара. Дунёдан ажраб қолган бўм-бўш орол, кўп хонали, зимистон йўлакли катта сирли уй ва Занжилар оролининг соҳиби таклифига кўра уйга келган ўнта мутлақо нотаниш одамлар оролдан қочишнинг имкони йўқ. уларни бирин кетин энг ғайриоддий йўллар билан ўлдириш кимга керак. Нималар содир бўлиши кутилмоқда. Сизни шу каби саволлар қизиқтирган бўлса, албатта, китобни мутолаа қилинг.

Қўрқинчли Теҳрон

Мазкур асар икки китобдан иборат бўлиб, унда ўтган аср бошларидаги воқеалар қаламга олинади. Орадан йиллар ўтган бўлса-да, ундаги ғоялар, ўлмас туйрулар, орзулар ва армонлар занжири ўз аҳамиятини йуқотмаган. Бош қаҳрамон Фарруҳнинг эзгулик ва жаҳолат, нафс йўлидаги талотўпларга қарши кураши, қасосга ундаган турфа саргузаштлари ва Маҳинга бўлган соф муҳаббати икки романни бир-бирига узвий боғлаб турувчи умумий сюжет чизиғини ташкил этади

Alvon yelkanlar

Aleksandr Grinning «Alvon yelkanlar» povesti Assol ismli qizchaning og‘ir va iztirobli hayoti haqida so'zlaydi. Assol go'daklik chog'ida onasidan ajrab qoladi. Otasi esa o'zini qizalog'ining tarbiyasiga bag‘ishlaydi. Uni mo'jizalarga ishonch ruhida o'stiradi. Bir kuni qizaloq Egil ismli keksa ertakchini uchratib qoladi. Ertakchi qizaloqqa qachonlardir uni so‘roqlab alvon yelkanli kemada shahzoda kelishini aytadi. Qizcha ana shu gapga ishonadi va sadoqat bilan o‘sha saodatli damlarni kutib yashaydi. Bu yo‘lda qanchadan-qancha aziyatlar chekadi. Boshiga malomat toshlari yog‘iladi. Yo‘qchilik, dasti qisqalik hamisha ortidan ergashib yuradi. Ammo u hech qachon taslim boimaydi. 0 ‘z saodati uchun mehnat qilishdan chekinmaydi.

Вой, онажоним...

Инсон ҳаётини нимага менгзаш мумкин? Сокин оқаётган дарёгами ёхуд ур-сур, талотўп дунёгами? Ахир, кимлар хато қилмайди! Мол-дунёга ҳирс қўйиб, ўйламасдан қадам босаётганлар қанча! Улар меҳр-мурувватни, яқинларини унутадилар.Оқибатда бундан бошқалар ҳам азият чекадилар, ғам-андуҳга мубтало бўладилар. Ўзбекистон халқ ёзувчиси Тоҳир Маликнинг янги ҳикоялари жамланган мазкур китоб сизни ўйлашга, чуқур мушоҳада юритишга, инсонийликни унутмасликка ундайди...

Yurak, sensan mening sozim

O‘zbek adabiyotining otashin shoiri Usmon Nosir chaqmoqdek qisqa yashadi, ammo uning she’rlari abadiy xalq mulkiga aylanib qoldi. Mazkur to’plamga atoqli shoirning eng sara asarlari jamlandi. Shoir she’rlarining barchasi ona yurtga cheksiz sadoqat va ulkan muhabbat bilan bitilgan. Umid qilamizki, mazkur to'plam kitob javoningizdan munosib o'rin oladi.

Табиб

Илм-фан, техника соҳасида оламшумул натижаларга эришилаётган бугунги кунда цивилизация умуман етиб бормаган, одамлари ҳалиям ибтидоий кун кечираётган қишлоқ ҳақида эшитганмисиз? "Табиб" асарида худди шундай жой — баланд тоғ бағридаги қишлоқ одамларининг ғаройиб ҳаёти тасвирланган. Асарда кишини хайратлантирадиган, беихтиёр ёқа ушлашга мажбур қиладиган воқеалар мўл. Цивилизациядан тамоман узоқдаги тоғли қишлоқда табобат шу қадар ривожланиб кетадики, хатто замонавий тиббиёт билан беллаша олиш даражасига етади. Айрим ўринларда ундан ўзади ҳам. Ажаб, бундай даражага қандай эришиш мумкин? Асарни ўқиш давомида бу саволга жавоб топасиз деган умиддамиз.

Kafansiz ko`milganlar

Boshidan o'tkazgan qiyinchiliklarini, to‘g‘rirog‘i, xo'rliklarini eslash insonni yana bir karra og‘ir azobga ro‘baro‘ qiladi. Uni yozish esa... Qatag'onlik davri tasviri, undan ham og'iri -o'zining «xalq dushmani» deb ayblanishi haqida yozish, mahbusligini eslash, qamoq voqealari, lager hayoti, so'zsizlik...bularning haqqoniy tasviri Shukrulloning «Kafansiz ko‘milganlar»ida yaqqol ifodalangan. Asaming yana bir ahamiyatli jihati - uning mazkur mavzudagi yagona asarligida.

Ўзимга омадни жалб этаман

Кўплаб инсонлар мазкур китобдан фойдаланиб, катта омадларга эришишган. Сиз ҳам четда қолманг. Сиз ҳам вазиятлар устидан ғалаба қозониб, қувонган инсонлар сафига қўшилинг. Инсонлар билан гўзал ва меҳр-оқибатли муносабатлардан завқланинг. Ўзингиз орзу қилган ҳаёт лаззатини тўйиб, қувониб яшашингизни тилаймиз. Доимо бахтли ва омадли бўлинг!

Узбечка

Асар воқеалари уруш ўчоғида рўй беради. Балоғат ёшидаги қизнинг бу ваҳшат водийсига тушиб қолиши асло тасодиф эмас. Уруш ортидаги меҳнати билан такрор туҳматларга учрайвергач, ўзини ўзи борса-қайтмасликка ҳукм қилади. Жангда ҳам жиддий синовларга рўбарў келади. Душманга қарши урушда тарафдорлари томонидан ўлимдан оғир жазога ҳукм қилинганда эса сукут ва сабр билан... кутади. Ҳақиқатнинг қарор топиши жуда қийин, аммо барибир юзага чиқади!...

Dahshatli intiqom

Rus adabiyotining mahoratli yozuvchisi Nikolay Vasilyevich Gogolning "Dikanka qishlog'i oqshomalri", " Dahshatli intiqom" asarida sir-sinoatlarga boy g'aroyib voqealar tasvirlangan. Yozuvchi mazkur asarni afsona, rivoyat, ertak, shuningdek, onasidan eshitgan hikoyalari asosida yozgan. Yengil, yumoristik ruhda yozilgan ushbu qissalar to'plami sizga manzur bo'lishiga ishonchimiz komil.

Xamsa

Mazkur kitobda Alisher Navoiy «Xamsa»sidagi barcha dostonlarning mazmuni bayon qilingan. Ularda shoir tomonidan tasvirlangan turli voqea-hodisalar aks ettirilgan, faqat kirish qismlari, me’yoridan cho'zilib ketgan manzaralar, monologlar biroz qisqartirilgan. Navoiy dostonlarining ushbu nasriy talqini alloma shoirimizning turkiy she’riyat gultoji hisoblanmish «Xamsa» dostonlarini anglab olishingizga yordam beradi, deb o`ylaymiz.

Шамолларда қолган ҳисларим

Дунёга машҳур “Шамолларда қолган ҳисларим” бадиий фильми ўзбек телетомошабинлари юрагидан чуқур жой олган. Бундан бир неча йил олдин таржимон Рохила Ахтамова томонидан ушбу романнинг мантиқий давоми бўлган “Скарлетт” ўзбек китобхонларига тақдим этилган эди. Мана, ўқувчилар талабига кўра “Шамолларда қолган ҳисларим” романи ҳам илк бор ўзбек тилида чоп этилмоқди. У нафакат дурдона фильм, балки дурдона асар сифатида ҳам меҳрингизни қозонишига, китоб жавонингиз ва юрагингиз туридан жой олишига ишонамиз, азиз китобхон!

Орзиқиб кутаман эртани

Америка ёзувчиси Сидни Шелдон 1917 йилда Чикагода туғилган. У Иккинчи жаҳон урушидан олдиноқ Голливудда киносценарист сифатида шухрат топди. Дарвоқе, С.Шелдон урушда АҚШ Ҳарбий Хаво Кучлари учувчиси сифатида иштирок этди. У урушдан кейин ҳам кинода ишлашни давом эттирди. Унинг қаламига мансуб олти пьеса Бродвейдаги театрлар репертуаридан жой олиб, шов-шувларга ҳам сабаб бўлди. Ёзувчи 1963 йилда ЭЙ-БИ-СИ корпорацияси билан ҳамкорликни бошлаб, икки юздан зиёд телевизион сценарийлар яратди. Бироқ С.Шелдонга жаҳон миқёсидаги шон-шуҳратни китоблари келтирди. Унинг асарлари бир юз саксондан ортиқ мамлакатда элликдан ортиқ тилда нашр этилди. Адибнинг к;аламига мансуб элликдан ортиқ ўткир мавзули асарлари орасида «Ярим туннинг орқа томони», «Қонли қадам», «Фаришталар қаҳри», «Кўзгудаги дарбадар», «Тонг, кун, тун» каби романлари алоҳида ўрин тутади. С.Шелдон кўпдан-кўп адабий ва кино санъати соҳасида бериладиган нуфузли совринларнинг, жумладан, Эдгар По номли ва Оскар мукофотининг соҳиби бўлган. Адиб умрининг охирига қадар самарали ижод билан банд бўлган.