O'zbek xalqining buyuk adiblaridan biri Shuhrat "Oltin zanglamas" romanida 30-yillar va ikkinchi jahon urushdan keyingi davrda mudhish qatag'onlarga duchor etilgan halol, imon-e'tiqodli kishilarning fojiali qismatini jasorat bilan badiiy tasvirlagan. Asarning bosh qahramoni Sodiq ismli halol, vijdonli to'g'riso'z o'qituvchi. U maktab direktori sifatida juda faol, ammo o'z atrofidagilarga nisbatan talabchan, qattiqqo'l. Uning ana shu xususiyatlari maktabdosh ayrim dangasa, xulqi buzuq, saviyasi past xodimlarga yoqmaydi. Atrofda hech sababsiz "qama-qama"lar avj olgan vaziyat bundaylarga juda qo'l keladi va ular sofdil Sodiqni ham "chaquv" bilan qamatishga muvaffaq bo'lishadi.