Мухтарам ўқувчи, маълумингизким , халқимизда хар ким отасининг исм -шарифини билиши керак, деган ақида бор. Зеро, инсон боласи ўз падари бузрукворига қараб қад ростлайди .Бобокалонларимиздан бири Мирзо Улуғбекнинг номини , мунажжим бўлганини , нари борса ўз ўғли томонидан ўлдирилганини биламиз холос . Кўлингиздаги китоб эса Мирзо Улуғбек истеъдодининг яна бир қирраси — тарихчилик сохасидаги фаолиятининг махсулидир . Уни мутолаа қилганлар нафақат етти аждодини , балки бутун шажарасини билиб олади, десак заррача муболаға бўлмайди .