Mazkur darslik Oliy va o'rta maxsus ta'lim vazirligi qoshidagi Muvofiqlashtiruvchi kengash tomonidan oliy ta'lim muassasalarining rus guruhlari talabalari uchun tavsiya qilingan va 2006-yilda chop etilgan. ,,O'zbek tili” darsligining takomillashtirilgan 2-nashridir. Darslikning ushbu nashri ОTM o’quv rejasida o’zbek tili fani uchun ajratilgan soat hajmiga moslashtirildi. Unda rus guruhlari talabalarining umumiy o’rta ta’lim va o'rta maxsus ta'lim tizimida o’zbek tilidan olgan bilim va malakalarini mustahkamlash ularning o’zbek tilidagi og’zaki va yozma bog’lanishi nutqini va turli nutq uslublarida matn tuza olish malakalarini takomillashtirish nazarda tutilgan. Darsliklar biri bir qancha mavzularni qamrab olgan 8 bo‘limga: 1. O'tilganlarni takrorlash. 2. Subyektni ifodalash. 3. Predikatni ifodalash. 4. Obyektni ifodalash. 5. Belgini ifodalash. 6. Holatni ifo­dalash. 7. Fikrni bog’lanishli ifodalash. 8. Fikrni turli nutq uslubida ifodalash bo’limlariga bo’lib berilgan. Darslikka, shuningdek, bog’lanishli nutq, matn turlari, nutq uslublari va ularning lisoniy xususiyatlari bo’yicha nazariy ma'lumotlar va shular yuzasidan maxsus mashqlar ham kiritildi.