Anton Pavlovich Chexov nainki rus, ayni paytda, jahon hikoyanavisligiga jiddiy ta'sir ko'rsatgan, ushbu kichik epik janri yangi o'zanga solgan xos iste'dod egasi hisoblanadi. Chexovdan keyingi biror Ovro'po hikoyanavisi yo'qki, uning an'analariga, voqelikni realistik hikoyalashdek noyob uslubiga mahliyo bo'lmagan bo'isin. Yozuvchi hikoyalarining geografik qamrovi faqat Ovro'po bilan chegaralanib qolmaydi. Sharq zamonaviy hikoyalarida, xususan, xitoy, yapon, turk, fors, lotin amerikasi nasrida Chexov ta'siri yaqqol seziladi. Abdulla Qahhordan keyingi o'zbek hikoyachiligida ham Chexov an'analariga ergashish tamoyili ko'zga tashlanadi.