Ushbu darslik taniqli huquqshunos olim yuridik fanlar doktori, O'zbekiston Respublikasida xizmat ko'rsatgan yurist. professor F.M. Otaxo'jayev qalamiga mansub bo'lgan 2005-yilda chop etilgan darslikning to'ldirilgan va qayta ishlangan nashri bo'lib, uni marhum üstozning shogirdi Sh.R. Yuldasheva ishladi. Unda oila huquqining umumiy qismiga oid nazariy muammolar, oila, oila huquqi tushunchasi, predmeti, manbalari, oilaviy-huquqiy munosabatlar, oila va fuqarolik huquqining nisbati yoritib berilgan. Oila huquqining maxsus qismiga oid asosiy masalalar: nikoh, er va xotinning huquqiy munosabatlari, ota-onalar va bolalarning huquq va majburiyatlari, aliment majburiyatlari, ota-ona qaramog'idan mahrum bo'lgan bolalarni joylashtirish shakllari, chet el fuqarolari va fuqaroligi bo'lmagan shaxslar ishtirokidagi oilaviy-huquqiy munosabatlarni tartibga solish bilan bog'liq jihatlar tahlil etilgan. Bundan tashqari, darslikda oila huquqining yangi institutlari, xususan, nikoh shartnomasi, aliment to'lash to'g'risidagi kelishuv, sun'iy bolaning vujudga kelishi tufayli otalik va onalikni belgilash masalalariga alohida e'tibor berilgan