«Ўзбекистон маданий мероси жаҳон тўпламларида» туркумига кирувчи «И.В. Савицкий номидаги Қоракалпоғистон Республикаси давлат санъат музейи тўплами» (IX жилд) китоб-альбомида Ўзбекистон худудидаги маданият ва санъатнинг тараққиётидан дарак берувчи, қадимги дунёдан то бугунги кунгача бўлган даврларга тегишли, қадим Хоразмнинг моддий ва бадиий маданияти ноёб намуналари - терракота, сопол хайкалчалар, бадиий металл, заргарлик буюмлари, кийим-кечак ва уй-рузғор жихозлари ва албатта, Туркистон авангардининг жуда бой тўплами ўрин олган. Тасвирий санъатнинг баъзи асарлари, хусусан Ўзбекистондаги машхур рассомларнинг илк асарлари факат Қоракалпоғистон Республикаси давлат санъат музейидагина сақланиб, улар жаҳон тасвирий санъатининг «олтин фонди»ни ташкил қилувчи бебаҳо экспонатлар саналади