Ushbu «Arxitektura ashyoshunosligi» darsligining oldingilardan farqi, unda namunaviy o‘quv dasturlarldagi mashg'ulot mavzularining ichki tuzilishlari innovatsion pedogogik texnologiya tizimi asosida yoritib berilgan. Shuningdek, darslikda ilg'or xorijiy mamlakatlardagi qurilish ashyolariga doir yangiliklar har bir mavzuda o‘z aksini topgan. Darslikning boshlang'ich qismida qurilish ashyolarining arxitekturadagi o‘rni va zaruriy talablar alohida bobda yoritilgan. Kitobda pardozbop qurilish ashyolarni tanlashda va ishlatishda ularning rangiga, tuzilishiga va fakturalariga qarab qo'llash usullari, ishlab chiqarish texnologiyasi, xossalariga doir ma’lumotlar o‘quv dasturiga ko‘ra qisqa mazmunda yoritilgan. Shuningdek, darslikda Arxitektura yo'nalishida ishlatilayotgan zamonaviy pardozbop rangli-bezakli qurilish ashyolari va kelajakda «istiqboli baland asr fani» deb ataluvchi nanotexnologiyani qo‘llab, sifatli pardozbop ashyolar olish to‘g‘risida ham qisqa tushunchalar berilgan.