“Arxitekturaviy bionika”darsligi oliy arxitektura maktabida o‘quv rejasiga muvofiq birinchi bosqich (kurs)magistrlarining birinchi va ikkinchi bo‘limi (semestri)da o‘tiladigan nazariy kursni o‘z ichiga oladi. Darslikning mazmuni 5340100 – “Arxitektura” mutaxassisligi bo‘yicha tuzilgan kompleks o‘quv dasturining bo‘limi hisoblangan “Arxitekturaviy bionika”kursining dasturiga to‘liq mos keladi.Ta’limning maqsadi–magistrlarni arxitekturaviy bionika fanida o‘rganadigan nazariy bilimlarni arxitekturaviy loyihalashda amaliy jihatdan qo‘llash, birgalikda to‘g‘ri ijodiy yondashishga o‘rgatishdir. Arxitekturaviy bionika arxitekturaviy loyihalashning umumiy masalalari bilan uzviy bog‘langan holda turar-joy, jamoat va sanoat ob’yektlarining hajmiy-rejaviy yechimlarini topish orqali amalga oshiriladi. Ushbu bilimlar zamonaviy turar-joy, jamoat va sanoat binolarining arxitekturaviy-kompozitsion yechimlarini tashkil etish bilan bog‘liq bo‘lgan murakkab masalalarni yechish imkonini beradi.