Академик Матёқуб Қўшжонов қаламига мансуб ушбу китобда Хоразм диёрининг бой қадимий маданий тарихи, бу тарихни яратган улуг сиймолар ҳақида ҳикоя қилинади. Шунингдек, Амударё қуйи оқимининг ҳар икки соҳилида ижод қилиб ўтган улуғ аждодларимиз ва бугун ҳам баракали ижод этаётган, халқ маъмурчилиги йўлида жонбозлик кўрсатиб фаолият юритаётган замондошларимиз тўғрисида, улар меҳнатининг мазмун-моҳияти хусусида сўз юритилади. Устоз шу қутлуғ заминда туғилиб ўсган барча кўзга кўринган ижодкорлар, эл етакчилари ҳақида ўз самимий сўзларини айтишни ният қилган эдилар. Афсус, бевафо умр бу ниятнинг тўлиқ амалга ошишига йўл қўймади. У кишининг баъзи ёдномалари бошланганича ижод столида қолиб кетди...