Ушбу китобимни ҳурматли устозим Раҳматулла Қўнғуров ҳамда талантли тилшунос Тоҳир Қурбоновнинг ёрқин хотирасига бағишлайман. Муаллиф.Илмий тафаккур-ҳақиқатни англаш, баҳолашда ҳалол мезон ва ўлчовга амал қилиш, тўғри ва аниқ хулосага келиш омилларидандир. Болта Ери-евнинг илмий изланишлари тил ва услуб, тарихий талқин, ижодкор ма ҳорати масалаларига бағишланган. Унинг матбуотда эълон қилинган кўплаб тақризлари, айрим адиблар ижоди ҳакидаги мақолаларида хайрихоҳлик туйғулари устундир. Дарҳақиқат, халқ тилининг гўзаллиги, маънавий жозибаси, услубий таъсирчанлиги, бадиий адабиётда шу қадар ёрқин намоён бўладики, ҳақиқий, яъни том маънодаги талант билан ёзилган асар ўқувчини сехр лаб қўяди, у, яхши маънода, жодулангандай, асарни ўқишдан бош кўтар май қолади. Ўзбек тилининг маънолар хазинаси, бебаҳо бойлик эканлиги ҳакида улуғ донишмандларимиз, таниқли ижодкор ва санъаткорлар, Файласуф ва тарихшунослар, тил на адабиёт илмининг зукко билимдонларининг асарларида қимматли фикр-мулоҳазалар мавжуд. Ушбу тўпламда ҳам эътиборга лойиқ ўзига хос тахлиллар, илмий хулосалар мавжуд.