Ushbu darslik oliy ta’lim muassasalarining “Musiqa ta’limi va san’at” magistratura yoʻnalishida tahsil olayotgan talabalar uchun moʻljallangan boʻlib, musiqa pedagogikasining nazariy, metodologik va amaliy asoslarini zamonaviy ilmiy yondashuvlar asosida kompleks yoritishga qaratilgan. Darslikda musiqa pedagogikasining mustaqil fan sifatida shakllanishi, uning pedagogika, psixologiya, estetika va musiqashunoslik bilan uzviy aloqasi, shuningdek, predmeti, maqsadi va vazifalari tizimli ravishda tahlil etilgan. Darslik musiqiy-ta’limiy jarayonning qonuniyatlarini ochib berish bilan birga, musiqaning badiiy-obrazli tabiati asosida ta’limni tashkil etish, nazariya va amaliyot birligini ta’minlash masalalariga alohida e’tibor qaratadi. Unda musiqaning shaxs rivojiga estetik, emotsional va ma’naviy ta’siri ilmiy asosda yoritilib, musiqiy idrok, tafakkur, eshitish xotirasi va ijodiy qobiliyatlarni rivojlantirishning pedagogik mexanizmlari keng tahlil qilinadi.