Nafaqat rus yoki ingliz, balki jahon adabiyotida o‘chmas iz qoldirgan Vladimir Vladimirovich Nabokov (1899-1977) asarlari «hazmi yengil» qabilidagi bitiklardan emas. Zero, u xoh hikoya, xoh roman yozsin, har birining toshi og‘ir. Misol uchun, birgina «Lujin himoyasi» romani yoxud «Qo‘ng‘iroq» hikoyasini mutolaa qilishning o‘zi kifoya. Mazkur to‘plamga Vladimir Nabokovning «QatI marosimiga marhamat» allegorik romani hamda sara hikoyalari jamlandi. Lev Tolstoy, Fyodor Dostoyevskiy, Ivan Turgenev, Ivan Bunin kabi rus klassiklari qatorida tilga olinuvchi Nabokovni o‘qir ekansiz, mahoratli adibning asari dastlabki sahifalardanoq o‘z kuchini ko‘rsatadi. Ta'bir joiz bo‘lsa, undan ajralolmay qolasiz. Jiddiylik, bosiqlik va falsafaning og‘ir yuki ostida zig‘ir donasidekkina yumor ham borligi va yozuvchi hayotning achchiq saboqlari qatiga bunday kulgini naqadar ustalik bilan joylashtira olganidan zavq-shavqqa to'lishingiz turgan gap.