Zamonaviy axborot-kommunikatsiya texnologiyalarining jadal rivojlanishi natijasida raqamli ma‘lumotlar, ayniqsa tasvir va video ma‘lumotlar bilan ishlash muhim ilmiy-amaliy yo'nalishlardan biriga aylandi. Hozirgi kunda tasvirlarga ishlov berish usullari tibbiyot, sanoat, qishloq xo'jaligi, transport, xavfsizlik tizimlari, multimedia, sun‘iy intellekt va kompyuter ko'rish kabi ko'plab sohalarda keng qo'llanilmoqda. Shu sababli ushbu yo'nalishda chuqur bilim va amaliy ko'nikmalarga ega mutaxassislarni tayyorlash dolzarb vazifalardan biri hisoblanadi.