Дарслик давлат таълим стандартида белгиланган реабилитология фанининг ўқув дастури, услубияти ва дидактик талаблари асосида ѐзилган бўлиб, олий тиббий ўқув муассасалари талабалари учун мўлжалланган. Бунда сунъий ва табиий физик омилларнинг синдромал-патогенетик таъсир механизмига, даволовчи жисмоний тарбия ва даволовчи уқалашнинг асосий принципларига асосланган холда касалликларни даволашда реабилитацион муолажаларнинг замонавий назарий ва амалий кўникмалари тўлиқ ѐритилган. Санатор-курорт даво, реабилитацион муолажаларнинг кўрсатма ва монеъликлари, самарадорлик мезонлари, ҳамда физиомухофазалаш саволлари очиб берилган. Дарсликда реабилитацион тадбирлар махсус физиотерапия ва шифобахш жисмоний тарбия даволовчи уқалаш билан бирга иккита катта бўлимларга ажратилган холда, тизим касалликлари бўйича берилган: юрак қон томир касалликларида, бронх ўпка, ошқозон ичак тракти, буйрак ва сийдик чиқариш аъзолари, таянч ва харакат, асаб касалликларида, ҳамда акушерлик ва гинекологик касалликларида.