Mazkur darslik Lingvistika (o'zbek tili) magistratura ixtisosligi talabalari uchun mo'ljallangan bo'lib, "Ilmiy tadqiqot metodologiyasi" fanining nazariy va amaliy asoslarini yoritishga xizmat qiladi. Unda ilmiy bilish jarayonining mohiyati, tadqiqot metodlari va usullari, ilmiy ishni rejalashtirish, muammoni qo'yish, maqsad va vazifalarni belgilash, ilmiy gipoteza yaratish hamda dalillarni tahlil qilish masalalari tizimli tarzda bayon etilgan. Shuningdek, darslikda lingvistik tadqiqotlarga xos metodlar, o'zbek tilini ilmiy o'rganishning zamonaviy yo'nalishlari, ilmiy matn tuzish, maqola va tezislarni yozish talablari, iqtibos keltirish va rasmiylashtirish qoidalari keng yoritilgan. Har bir mavzu nazariy ma'lumotlar bilan bir qatorda amaliy topshiriqlar va namunalar bilan boyitilgan.