Bugungi kunda tabiiy resurslardan samarali foydalanish va ekologik muvozanatni saqlashga katta e'tibor qaratilmoqda, chunki iqlim o'zgarishlari, suv yer resurslarining tanqisligi, antropogen bosimning kuchayishi hamda chegaralanganligi qishloq xoʻjaligi ekotizimlarning hosildorligiga bevosita ta'sir etib, agrotsenozlarning barqarorligini izdan chiqarmoqda. Shuningdek, so'nggi yillarda kuzatilayotgan global iqlim o'zgarishlari mintaqada suv taqchilligi muammosini keltirib chiqarmoqda, bu esa o'z navbatida suv ko'p talab qiladigan qishloq xoʻjaligi tarmog'ida qator ekologik vaziyatlarni yuzaga keltirmoqda. Shu sababli ekinlarning ekologik xususiyatlarini o'rganish va tuproq-iqlim omillari bilan oʻzaro aloqalarini baholash katta ilmiy-amaliy ahamiyat kasb etadi.