Глобаллашув шароитида давлат молиясини бошқариш соҳасида олиб борилаётган илмий тадқиқотларда бюджет тизими бюджетлари даромад манбаларини илмий асосланган ҳолда белгилаш, солиқлар воситасида бюджетлараро муносабатларни тартибга солиш, турли даражадаги бюджетлар ўртасида солиқларни тақсимлаш, бюджет трансфертларини ажратишда ҳудудларнинг бюджет билан таъминланганлик даражасини оширишга катта эътибор қаратилмоқда. Солиқлар тизимини такомиллаштириш оркали бюджетлараро мутаносибликка эришиш, маҳаллий давлат ҳокимияти органларининг мустақил бюджет-солиқ сиёсатини юритишини ташкил этиш, маҳаллий бюджетларнинг молиявий мустақиллиги даражасини ошириш, давлат бюджети даромадлари ва қўшимча манбаларини шакллантиришга оид самарали фискал сиёсат юритиш, бюджетлараро муносабатларда солиқларни улушли тартибда тақсимлаш каби йўналишларда илмий тадқиқотлар олиб борилмоқда.