Har bir xalqning o'zligi, milliy tafakkuri va madaniy xotirasi bevosita uning tilida o'z aksini topadi. XX asrning oxirgi choragi hamda Mustaqillik yillarida Xorazm vohasida oʻzbek tilshunosligi maktabining shakllanishi va taraqqiy etishi, sohaning ilmiy-nazariy jihatdan yuksalishi, ko'plab yetuk ilmiy-pedagogik kadrlarning tayyorlanishi bevosita atoqli olim, filologiya fanlari doktori, professor, Qoraqalpog'iston Respublikasida xizmat ko'rsatgan fan arbobi Zaribbay Do'simov nomi bilan chambarchas bog'liqdir.