Файласуф ва диншунос олим Жаъфар Холмўминовнинг ушбу рисоласида глобаллашув жараёнлари, унинг бугунги даврдаги кўринишлари, глобаллашувнинг миллий маънавиятга таъсири ҳамда унинг баъзи бир салбий оқибатлари ҳақида фикр юритилади. Муаллиф ўзига хос илмий-оммабоп услубда ушбу жараённинг ижобий ва салбий жиҳатларига таҳлилий назар ташлар экан, ўқувчини ҳушёрлик ва огоҳликка даъват этгандай бўлади. Муаллифнинг ёрқин фикр-мулоҳазалари баён этилган ушбу рисола глобаллашув жараёнининг бугунги манзарасини ва унинг миллий маънавиятга таъсири масалаларини янада теранроқ англашга хизмат қиладиган зарурий қўлланма бўлади, деган ниятдамиз. Рисола маънавият тарғиботчилари ва кенг китобхонлар оммасига мўлжалланган.