Мазкур кўп жилдлик илмий мажмуа ўзбек халқ оғзаки ижодининг энг қадимий ва ўзига хос йўналишларидан бири бўлган Хоразм фольклори дурдоналарини ўзида жамлаган. Тўпламдан воҳа ҳудудидан асрлар давомида куйланиб ва айтилиб келинаётган бетакрор бахшичилик мактаби намуналари, қаҳрамонлик ва ишқий-романтик мазмундаги халқ достонлари («Гўрўғли» туркуми, «Ошиқ Ғариб ва Шоҳсанам» ва б.), халфачилик қўшиқлари, урф-одат ва маросим фольклори ҳамда болалар оғзаки ижоди намуналари ўрин олган.