Bola tarbiyasidek o'ta mas'uliyatli vazifani amalga oshirishingizda,shubhasiz, badiiy adabiyotning alohida o'rni bor. Qo'lingizdagi majmua sizning ushbu xayrli ishni bajarishingizda beminnat xizmat qiladi, deb umid qilamiz. Chunki unda farzandlaringizni ilk yoshidan boshlab go'zallikka oshno etuvchi, ezgulik, yaxshilikning nurli yo'llari bo'ylab yetaklovchi boy og'zaki ijodimiz va yozma adabiyotimizning eng yaxshi namunalari joy olgan.