Истеъдодли ижодкор Охунжон Ҳаким ҳозирги давр ўзбек шеъриятининг фаол вакилларидан бири. Юртимизда унинг неча ўнлаб шеърий, насрий китоблари, хусусан, қўшиқларга айланиб кетган шеър ва ғазаллари кириб бормаган хонадон йўқ десак, хато бўлмас. Охунжон Ҳаким эл севган халқчил шоир. Унинг шеъру ғазалларидаги теранлик, ўзига хос жозиба, самимият, қувноқ юмор эътиборингизни тортиб, завқингизни келтиради. Қўшиқ бўлиб кетган шеърлари руҳингизга ором беради. Шоирнинг қўлингиздаги ушбу китобига унинг деярли қирқ беш Йиллик ижодидан энг яхши намуналар ҳамда янги шеър ва ғазаллари киритилди. Ўйлаймизки, бу китоб ҳам сизнинг қадрдон суҳбатдошингиз бўлиб қолади.