«Ушбу китоб жаҳон адабиётининг энг ноёб ва машҳур обидаларидан бири бўлган "Калила ва Димна" мажмуасининг ўзбек адабий тилидаги қайта ишланган нашридир. Асар қадимги Шарқ ҳикматлари, панд-насиҳатлари ва мажозий (аллегорик) ҳикоятларини ўз ичига олади. Ундаги воқеалар, асосан, ҳайвонлар ва қушлар тилидан баён этилиб, давлатни бошқариш, жамият ахлоқи, тўғрилик, дўстлик ҳамда ҳийла-найранглардан огоҳ бўлиш каби муҳим ҳаётий масалаларга бағишланган.