Инсоният тарихида ҳар бир миллат ва халқинг жаҳон илм-фани, маънавияти ва маърифатига қўшган ҳиссаси бўлади. Қадимги тарихга эга бўлган юртимиз ўз аждодларининг дину иймонини, маънавий камолини диний ва дунёвий илмларга таянган ҳолда бойитиб келган. Илмга интилиш халқимиз учун хос юксак фазилатлардан бири бўлган. Ана шу интилиш мадрасалар таълимида ҳам ўз ифодасини топган ва асрлар давомида бу соҳада бой, бетакрор тажрибалар мажмуаси яратилган. Қўлингиздаги монография неча асрлар давомида юртимизда амал қилиб келган, оламга машҳур олиму фузалоларни етиштирган ушбу таълим масканларининг тарихини, уларда кашф қилинган хилма-хил ўқитиш усулларини урганиш ва қисман булса-да, ёритиб беришга бағишланди. Монография илм-фан ва миллий таълим тарихи билан шуғулланувчи илмий тадқиқоттчилар, олий укув муассасалари ўзбек адабиёти факультети талабалари, академик лицейлар, касб-хунар коллежлари тил ва адабиёт ўқитувчилари, шунингдек, кенг китобхонлар оммаси учун мулжалланган.