Ushbu oʻquv-uslubiy qoʻllanma ingliz tili grammatikasining eng muhim va koʻp qoʻllaniladigan boʻlimlaridan biri — modal fe’llar (Modal Verbs) mavzusini sodda va tushunarli tarzda oʻrgatishga moʻljallangan.Kitobda boshlangʻich darajadagi oʻrganuvchilar uchun asosiy modal fe’llar (xususan, can, may, must, should va boshqalar) ning ma’nolari, gapda qoʻllanilish qoidalari hamda inkor va soʻroq shakllari batafsil yoritilgan. Qoʻllanmaning oʻziga xosligi shundaki, unda mavzular yosh bolalar va maktab oʻquvchilarining psixologik xususiyatlarini hisobga olgan holda, rang-barang koʻrgazmali tasvirlar hamda harakat fe’llari (masalan, walk, run, jump, swim) ishtirokidagi qiziqarli misollar yordamida tushuntirilgan.