Ushbu darslik umumiy oʻrta taʼlim maktablarining 9-sinf oʻquvchilari uchun moʻljallangan boʻlib, Oʻzbekiston Respublikasi Davlat taʼlim standartlari (DTS) talablariga muvofiq ishlab chiqilgan.Kitob oʻquvchilarning fransuz tili boʻyicha olingan boshlangʻich bilimlarini chuqurlashtirish, ogʻzaki va yozma nutq koʻnikmalarini muvozanatli rivojlantirishga xizmat qiladi. Darslik tarkibidan xorijiy til grammatikasining murakkabroq qoidalari, leksik mavzular, matnlar ustida ishlash tizimi hamda mustaqil muloqotga chorlovchi amaliy va interaktiv mashqlar oʻrin olgan. Shuningdek, materiallar Fransiya madaniyati, tarixi, jugʻrofiyasi va bugungi hayotiga oid qiziqarli maʼlumotlar bilan boyitilgan boʻlib, u oʻquvchilarning dunyoqarashini kengaytirishga ham yordam beradi.