Оналар фарзанд тарбиясида ҳамиша оилада муҳим ўрин тутганлар. Бола туғилишидан олдин, ҳатто жуфт танланаётган вақтдаёқ бўлажак онага эътибор қаратилади. Фарзанд туғилгандан кейин ҳам отаси иш ё бошқа сабаблар билан кўп вақт уйда бўлмайди, тарбияга доир зарур ўгитлар, кўрсатмалар берган ҳолда, асосий иши моддий таъминот бўлиб қолаверади. Илло, она солиҳа, илмли бўлса, фарзанди келажакда буюк инсон бўлиб етишиши учун астойдил ҳаракат қилади.