«Adabiyot chin ma'nosi ila o'lgan, so'ngan.....o'chgan, majruh, yarador ko'ngilga ruh bermak uchun, faqat vujudimizga emas, qonlarimizga qadar singishgan qora balchiqlarni tozalaydurgan, o'tkir yurak kirlarini yuvadurgan toza ma'rifat suvi, ... chang va tuproqlar to'lgan ko'zlarimizni artub, tozalaydurgan buloq suvi bo'lganlikdan bizga g'oyat kerakdur», degan edi Cho'lpon. Darhaqiqat, ozodlik kuychisi Cho'lponning hikoyalarini o'qir ekansiz, ilm-ma'rifatga, adabiyotga qanchalar katta ahamiyat berganiga guvoh bo'lasiz. Ha, adib o'z hikoyalarida, sh'erlarida, hatokki dramalarida ham o'z davrining dolzarb muammolarini, ya'ni bilimsizlikni, jaholatni, erk-ozodlikni ko'tarib chiqqan.