Ушбу китобчада атоқли адиб, шоир, файласуф Асқад Мухторнинг сўнгги асари - Тундаликлари жамланган. Тундаликлар - муаллифнинг тунги кечинмалари, фикр-мулохазалари маҳсули. Улар ягона ғоявий-фалсафий йўналишга эга эмас, аммо ёзувчининг бедор қалби, уйғоқ тафаккури, туғёнли кечинмалари - барчаси муштарак мўъжизалар - Одам ва Олам бағридаги сир-синоатлардан дарак беради, китобхонни теран хаёлга толдиради. Асқад Мухтор - дунё ҳикматларини мўъжизалар тарзида туя оладиган ва шунга монанд ифода қила оладиган қаламкаш эди. Тундаликлар бунинг ёрқин исботидир. Ушбу асарнинг дунёга келишиди катта саъй-ҳаракат кўрсатган ва уни китоб ҳолида чиқаришни тавсия этган «Тафаккур» журнали жамоасига «Маънавият» нашриёти ўз миннатдорчилигини билдиради.