Халқимизнинг истиқлолга эришиши муносабати билан азалий қадриятларимизни тиклаш, ўз тарихимизни, миллий урф-одат ва анъаналаримизни, маънавий ва шу жумладан, бадиий меросимизни атрофлича ўрганиш ҳамда ундан баҳраманд бўлиш имконияти вужудга келди. Хусусан, "Ўзбек халқ мусиқа ижоди" ўқув фанининг маданият, санъат ва муаллимлик ихтисосидаги ўқув юртлари таълим режасига мустақил фан сифатида жорий этилиши — ана шу мақсадда амалга оширилаётган саъй-ҳаракатлардан биридир.