Биз янги замонларнинг, янги давронларнинг шукуҳи билан ўз келажагимизни тасаввур қилмоқдамиз ва яратмоқдамиз. Ўтган йилларни сарҳисоб қилганимизда, олдимизга қўйилган мақсад ва вазифаларнинг қанчалик рўёбга чиққанининг гувоҳи бўлаяпмиз. Яқин йиллар ичида Янги Ўзбекистонда рўй бераётган ўзгаришлар, кечаётган жараёнлар бутун дунё тинчликпарвар халқларининг диққат эътиборини қозонмоқда. Ана шундай жараёнларда фаол иштирок этаётган инсонларнинг ҳар бир фикру ғояси биз учун қадрли ва аҳамиятли. Ушбу китобда жамланган мақола ва суҳбатларда эртанги кунга умид ва ишонч уйғотадиган, куч-ғайрат, шижоату кўтаринки руҳ берадиган янгиликлар акс этган.