Qishloq xo‘jaligi ekinlari davlat reyestriga kiritilgan navlar va duragaylar to‘g‘risidagi ma’lumotlar davlat sinovidan o‘tgan qishloq xo‘jaligi ekinlari navlari (duragaylari)ni ishlab chiqarish, realizatsiya qilish hamda O‘zbekiston Respublikasi hududida foydalanish bo‘yicha yagona bank ma’lumotlari hisoblanadi. Qishloq xo‘jaligi ekinlari davlat reestri faoliyat yuritishi shaklidan qat’iy nazar qishloq xo‘jaligi mahsulotlari yetishtiruvchi korxonalar rahbarlari, mutaxassislar, agrar soha oliy ta’lim va ilmiy-tadqiqot institutlari xodimlari hamda navlardan foydalanish bo‘yicha nazorat yurituvchi tashkilotlar mutaxassislariga mo‘ljallangan.