Darslik 60710300-matbaa va qadoqlash muhandisligi ta'lim yo'nalishi bo'yicha tahsil olayotgan talabalar uchun mo'jallangan bo'lib, unda qadoqlash sanoatining nazariy asoslari va amaliy jihatlari qamrab olingan hamda zamonaviy ishlab chiqarish jarayonida qadoqlashning ahamiyati, funksiyalari va rivojlanish tendensiyalari keng yoritib berilgan. Qadoqlarning himoya, logistika, marketing, ekologik va iste'mol xavfsizligi kabi ko'p qirrali vazifalari ilmiy yondashuv asosida tushuntirilgan. Kitobda qadoqlash tizimining barcha bosqichlari ishlab chiqarish, saqlash, transport, chakana savdo va iste'molchiga yetkazish jarayonlari bo'yicha texnologik talablarga chuqur e'tibor qaratilgan. Shuningdek, qadoqlash materiallarining xilma-xilligi (shisha, metall, alyumin, qog'oz-karton, gofrokarton va polimerlar) ularning fizik-mexanik xususiyatlari, afzalliklari va qo'llanish sohalari bilan birga tahlil etilgan.