Dissertatsiya mavzusining dolzarbligi va zaruriyati. Bugungi kunda dunyo davlatlarida 12 ming turdagi dorivor o'simliklarning mingdan ortig'i farmasevtika sanoatida ishlatiladi. Butunjahon Sog'liqni Saqlash tashkilotining ma'lumotlariga ko'ra, mavjud dori-darmonlarning 60% ini dorivor o'simliklar xom ashyolaridan olingan preparatlar tashkil etadi. Shu sababli dorivor xususiyatga ega bo'lgan xo'jag'at va qorag'at o'simliklari jahonda 251,2 ming gektar maydonda yetishtiriladi. "Dunyo bo'yicha FAO ma'lumotiga ko'ra, dorivor o'simliklar hisoblangan xo'jag'at va qorag'atdan 2020 yilda 1,58 mln. tonnadan ortiq hosil olingan. Ushbu dorivor o'simliklarni yetishtirish bo'yicha Rossiya Federatsiyasi birinchi o'rinda turadi va mazkur davlatda 2020 yilda 618,90 ming tonna hosil olingan bo'lsa, undan keyingi o'rinlarda Polshada 268,20 ming tonna, Meksikada 146,35 ming tonna, Serbiyada 118,67 ming tonna, AQSH da 100,69 ming tonna yetishtirilgan, hosilning qolgan qismi esa boshqa