Ушбу дарслик “Қурилиш конструкциялари” бўйича “Металл конструкцияси” фани дастурига мослаб 5340200– “Бино ва иншоотлар қурилиши” ва 5340100 “Архитектура” таълим йўналишлари бўйича бакалавр қурувчилар ва 5А340204 – “Қурилиш конструкцияларини лойихалаш” мутахассислиги учун ѐзилган. Бироқ дарсликдан қурилишнинг бошқа ихтисослиги бўйича ўқийдиган талабалар 5340500 – “Қурилиш материаллари ва буюмларини ишлаб чиқариш технологияси” йўналиши, 5А520511 – “Лойиҳавий техник ва конструктив – технологик ечимларини тизимли тахлили” мутахассислиги, қурилиш муҳандислари ва шу соҳа бўйича малака ошириш курси тингловчилари ҳам фойдаланишлари мумкин. “Металл конструкциялар” фани шу соҳа мутахассислари ва профессор ўқитувчилари томонидан билдирилган таклиф ва фикр – мулоҳазалари инобатга олган ҳолда, мазмунан янги маълумотлар билан тўлдирилди. Дарслик мавжуд меъѐрий хужжатлар ва янги ўқув дастурлари асосида ѐзилди ва интернетдан олинган маълумотлар билан бойитилди. Талабаларга тушунарли бўлиши учун ўзбек тилидаги оддий иборалар ва атамалардан фойдаланишга ҳаракат қилинди. Дарслик “Бино ва иншоотлар қурилиши”, “Архитектура” йўналиши бўйича таълим олаѐтган бакалавр ва магистр талабалари учун мўлжалланган.