Mazkur monografiyada ingliz va o‘zbek tillaridagi reduplikatsiya hosil bo‘lish tizimi, takrorning strukturaviy-semantik tabiati qiyoslangan holda reduplikativ so‘zlarning turlari hamda modellari yoritib berilgan. Reduplikativ so‘zlarning ingliz va o‘zbek tillardagi fonetik-fonologik va morfem tuzilishlari tahlil qilinib, binar ko‘rinishdagi morfonologik tasnifi ochib berilgan. Monografiya mazkur muammo doirasida ilmiy-tadqiqot ishini olib borayotgan ilmiy tadqiqotchilar, ingliz va o‘zbek filologiyasi fakultetining bakalavriat hamda magistratura ta’lim yo‘nalishlarida “Tilshunoslikka kirish”, “Umumiy tilshunoslik”, “Leksikologiya”, “Morfonologiya”, “Stilistika”, “Derivatsiya nazariyasi” kabi fanlardan ma’ruza va amaliy mashg‘ulot darslarida, shuningdek, shu fanlarga oid darslik, o‘quv qo‘llanmalari tayyorlashda manba bo‘lib xizmat qiladi.