Yozgi ta'tilning dastlabki oyini sehrgarlar olamidan narida, magl qarindoshlari -Dursllarning uyida, qamoqda o'tirganday dunyobexabar o'tkazayotgan Garri bilan bezori xolavachchasi Dudliga kutulmaganda dementorlar hamla qiladi. Tabiiyki, Garri dementorga qarshi qo'llaniladigan, sehr-joduning eng oliy darajasiga mansub afsunlar turkumiga kiradigan, Himoyachi afsunini qo'llashga majbur bo'lib, o'zi bilan dementor o'rtasidagi to'siq vazifasini o'taydigan moddiy tusga ega Himoyachisini hosil qiladi.