Mazkur darslikda psixologiya va sport psixologiyasi fanining predmeti, maqsadi, vazifalari, tamoyillari va metodlari o’z aksini topgan bo’lib, psixikaning fiziologik asoslari, psixik jarayonlar, shaxs va shaxsning individual-tipologik xususiyatlari, sport faoliyatining psixologik xususiyatlari, sport musobaqalarining psixologiyasi, sportchini texnik, taktik, psixologik va irodaviy jihatdan tayyorlashning psixologik asoslari haqida ma’lumotlar keltirilgan. Shuningdek, sportchilarda jismoniy yuklamalarni egallash, sport faoliyatini yuritish ko’nikma va malakalarini psixologikasoslarini shakllantirish masalalari yoritilgan. Ushbu darslik 5610500 – Sport faoliyati (faoliyat turlari bo’yicha) va 5610700 – Sport tadbirlarini tashkil etish ta’lim yo‘nalishi talabalari uchun mo’ljallangan. Shuningdek, ushbu darslikdan psixologiya sohasiga qiziqqan talabalar, doktorantlar, sport ta’limi muassasasi rahbarlari ham foydalanishlari mumkin.