Ушбу маърузалар курси Ўзбекистон Республикаси Қуролли Кучлари Умумҳарбий Низомлари таркибига кирувчи Ички тартиб, Интизом, Гарнизон ва қоровуллик хизматлари ва Саф Низомлари ҳамда Ички ишлар органларининг Интизом устави талабларини ўз ичига қамраб олган. Маърузалар курсидаги мавзуларда Ички тартиб, Интизом, Гарнизон ва қоровуллик хизматлари ва Саф Низомларининг умумий қоидалари, ҳарбий хизматчилар ва ички ишлар идоралари ходимларининг ҳуқуқлари, мажбуриятлари, жавобгарликлари ҳамда улар ўртасидаги ўзаро муносабатлар, рағбатлантириш ва интизомий жазоларнинг турлари ҳамда уларни қўллаш бўйича командир (бошлиқ)ларнинг ҳуқуқлари, қоровуллик ва патруллик хизматларини ўташ тартиби, қуролсиз бажариладиган саф амаллари ва ҳаракатлари, ҳарбийча салом бериш тартиби, ҳарбий хизматчиларнинг сафга туришдан олдинги ва сафдаги мажбуриятлари бўйича етарли маълумотлар берилган бўлиб, бугунги кунда тегишли норматив-ҳуқуқий хужжатларга киритилган ўзгариш ва қўшимчаларни инобатга олган ҳолда тайёрланган. Маърузалар курси Ўзбекистон Республикаси ИИВ Малака ошириш институтида Ички ишлар органларига қабул қилинган бошланғич касбий тайёрлаш курси ҳамда Касбий тайёргарлик факультетига қабул қилинадиган тингловчилар учун мўлжалланган.