Darslik tarixiy tadqiqotlar metodologiyasi va zamonaviy usullarini oʻrganishga bagʻishlangan. Unda tarix fanining maxsus usullari bilan birgalikda ilmiy tadqiqotlarning umumiy usullari, shuningdek, boshqa fanlardan tarix faniga oʻtgan usullar tahlil qilinadi. Bundan tashqari, darslikda jahon tarixshunosligida XX asrning oʻrtalaridan boshlab paydo boʻla boshlagan hamda tarixiy bilimlarning yangi paradigmalariga aylangan yangi yoʻnalishlarga alohida e'tibor qaratiladi. Talabalar bu oʻquv kursidan, birinchidan, tarixiy tadqiqot usullari va yo'nalishlari haqidagi nazariy bilimga ega boʻlsa, ikkinchidan, ularni zamonaviy tarixiy tadqiqotlarda qanday qoʻllash mumkinligini oʻrganadi.