Ona tili va bolalar adabiyoti fani boʻyicha tayyorlangan ilmiy termin va tushunchalar oʻquv lug‘ati oliy oʻquv yurtlarining 5111700 – Boshlang‘ich ta’lim va sport tarbiyaviy ish, 5111800 – Maktabgacha ta’lim yoʻnalishi bakalavrlari, sirtqi hamda kechki ta’lim oladigan talabalar uchun Oʻzbekiston Respublikasi Oliy va oʻrta maxsus ta’lim vazirligi tomonidan 2018- yilning 07.12. 1000-sonli buyrug‘i bilan nashrga tavsiya etilgan “Bolalar adabiyoti” qoʻllanmasi (O. Safarov, R. Barakayev, B. Jamilova) hamda “Ona tili” darsligi (Hamrayev M., D. Muhamedova, D. Shodmonqulova, X. G‘ulomova, Sh. Yoʻldosheva) asosida tuzilgan. Unda ona tili va bolalar adabiyoti faniga doir mavzu va matnlarda, shuningdek, bolalar adabiyoti namunalari, yozuvchi va shoirlari ijodida, boshlang‘ich sinf oʻqish kitoblari hamda ona tili darsliklarida uchraydigan asosiy ilmiy terminlarning lug‘aviy ma’nosi, izohi, muhimi, atamalarga doir misollar keltirilgan. Oʻquv lug‘ati ona tili va bolalar adabiyoti fanini oʻqiydigan barcha oliygoh talabalari, boshlang‘ich sinf oʻqituvchilari, oʻquvchilar, tadqiqotchi va ilmiy izlanuvchilar, umuman, barcha qiziquvchilarga moʻljallangan.