"Зубдату-т-таворих" Муҳаммад Ризо Эрниёзбек ўғли Огаҳий бадиий-тарихий насрининг "Фирдавсу-л-иқбол" ва "Риёзу давла"дан кейинги учинчи китоби. Асарда Хива хонларидан бўлган Рахимқулихон даври (1843-1846) воқеалари бетакрор бадиий шаклда тасвирланган. Огаҳийнинг ушбу мемуар-қиссаси асосан сажъли насрда битилган бўлса ҳам, унда қасида, маснавий, ғазал, рубоий, китъа, таърих ва фард сингари мумтоз шеърий жанрлар намуналари ҳам учрайди. Бу жанрлар асар тилининг бадиияти ва тасвирнинг жозибадорлигини оширишга хизмат қилган.