Xalqımızın xeyirxahlığı, nəcibliyi, dostluqda sədaqəti, qonaqpərvərliyi, humanistliyi həmişə bütün dünya xalqlarına örnək olmuşdur. Heydər Əliyev və Ukrayna əlaqələrinin tarixi unudulmaz faktlarla zəngindir.Sovet hökumətinin ali rəhbərliyində olanda Heydər Əliyev Ukrayna üçün də çox işlər görüb. 2004-cü il iyunun 4-də Kiyevdə Heydər Əliyevin dünyada ilk abidəsinin açılışı zamanı Ukrayna Prezidenti Leonid Kuçma demişdir: “Azərbaycanlı qonaqlarımız heç şübhəsiz bilirlər ki, Heydər sözü qədim türkcədən irəlidə çapan atlı kimi tərcümə olunur”. Biz bu məqalədə Azərbaycan xalqının ümummilli lideri Heydər Əliyevin dünya xalqlarının o cümlədən Ukrayna xalqının yaddaşında unudulmazlığından bəhs edəcəyik