Dissertatsiya mavzusining dolzarbligi va zarurati. Jahon ilm-fanida biomolekulyar komplekslarning elektro-optik xususiyatlari va tebranish spektrlarini o‘rganish molekulyar optika, biofizika va fizikaviy kimyo sohalarida muhim yo‘nalish hisoblanadi. Ushbu tadqiqotlar biomolekulalar va ularning komplekslaridagi molekulalararo ta’sirlarni (vodorod bog‘lanish, elektrostatik ta’sirlar, van der Vaals kuchlari) tushunishga yordam beradi, bu esa biologik jarayonlarning molekulyar mexanizmlarini aniqlashda asosiy rol o‘ynaydi.