Xiva ko'p qirrali va boy tarixga ega shahar. Hali uning o'rganilmagan sahifalari juda ko'p. Mamlakatimiz Prezidenti Islom Abdug'anievich Karimov 1997-yil 20-oktabrda bo'lib o'tgan Xiva shahrining 2500 yilligiga bag'ishlangan tantanali marosimida so'zlagan tarixiy nutqida qator ilmiy muammolarni o'rtaga tashladi. Bular ichida Xiva shahrini jahon tamadduniga qo'shgan hissasini chuqur tahlil qilish, Xorazmda birinchi bor o'zbek davlatchiligiga asos solinishi, bu o'lkada shakllangan dunyoviy dinlardan biri bo'lmish zardushtiylik dini va uning muqaddas kitobi "Avesto"ning vujudga kelishi, insoniyat tarixida dastlabki akademiyalardan biri bo'lmish - Ma'mun akademiyasining tashkil topishi va boshqa masalalar bo'lib, bular bugungi kunda bekami ko'st amalga oshirildi.