Мазкур дастур “Махсус фанларни ўқитиш ва ишлаб чиқариш таълими” йўналишида ўқув жараёнини самарали ташкил этиш, назарий билимларни амалиёт билан уйғунлаштириш ва касбий компетенцияларни шакллантиришга қаратилган. Қўлланмада махсус фанларни ўқитиш методикаси, замонавий педагогик технологиялардан фойдаланиш, дарсларни режалаштириш ва ташкил этиш масалалари ёритилган. Шунингдек, ишлаб чиқариш таълими жараёнида ўқувчиларни касбий фаолиятга тайёрлаш, амалий машғулотларни ташкил этиш, меҳнат хавфсизлиги қоидаларига риоя қилиш, иш жойини тўғри ташкил этиш ва ишлаб чиқариш амалиётини баҳолаш мезонлари баён этилган.