Мазкур методик тавсиянома битирув малакавий ишларини тайёрлаш жараёнини илмий-услубий жиҳатдан тўғри ташкил этишга қаратилган. Қўлланмада битирув малакавий иш мавзусини танлаш ва асослаш, тадқиқот мақсад ва вазифаларини белгилаш, объект ва предметни аниқлаш, илмий манбалар билан ишлаш ҳамда назарий ва амалий материалларни таҳлил қилиш тартиби ёритилган. Шунингдек, ишнинг тузилиши ва мазмуни, боб ва бўлимларни шакллантириш, хулоса ва таклифларни ишлаб чиқиш, фойдаланилган адабиётлар рўйхатини расмийлаштириш қоидалари баён этилган. Методик тавсияномада иқтибос келтириш меъёрлари, илова материалларини тайёрлаш, плагиатнинг олдини олиш, шунингдек, ҳимоя жараёнига тайёргарлик кўриш бўйича амалий кўрсатмалар ҳам берилган.