“Нафосат мактаби” тўгараги ўқувчиларда эстетик дид, бадиий тафаккур ва ижодий қобилиятларни ривожлантиришга қаратилган синфдан ташқари таълим шакли ҳисобланади. Мазкур тўгарак доирасида ўқувчилар миллий ва жаҳон санъати намуналари, халқ амалий санъати, мусиқа, тасвирий санъат, театр маданияти ҳамда одоб-ахлоқ меъёрлари билан танишадилар. Машғулотлар жараёнида амалий ижодий ишлар, саҳна кўринишлари, расм чизиш, қўл меҳнати, маданий тадбирлар ташкил этиш орқали ўқувчиларнинг эстетик дунёқараши шакллантирилади. Шунингдек, уларда миллий қадриятларга ҳурмат, гўзалликни ҳис этиш ва уни асраш кўникмалари тарбияланади. “Нафосат мактаби” ўқувчиларнинг маънавий-ахлоқий камолотига хизмат қилади, уларнинг ижодий фаоллигини оширади ва бўш вақтларини мазмунли ташкил этишга ёрдам беради. Дастур умумтаълим мактабларининг турли ёш тоифасидаги ўқувчилари учун мўлжалланган.